ភ្នំពេញ៖ ក្នុងទំព័រហ្វេសប៊ុករបស់លោក សម រង្ស៊ី បានឱ្យដឹងថាលោកបានឆ្លងជំងឺកូវីដ-១៩ តាំងពីថ្ងៃទី៣០ ខែធ្នូ ឆ្នាំ២០២១ តែទើបបង្ហាញជាសាធារណៈនៅថ្ងៃទី៥ ខែមករា ឆ្នាំ២០២២នេះ។
លោកបានឆ្លងនៅប្រទេសបារាំង និងបញ្ចេញរោគសញ្ញាកាលពីថ្ងៃទី៣០ ខែធ្នូ ដោយមានអាការៈក្អក ឈឺបំពង់ក បន្តរយៈពេលពីរបីថ្ងៃមុននឹងធ្វើតេស្តរកឃើញថាបង្ហាញលទ្ធផលអវិជ្ជមាននៅថ្ងៃទី៤ និងថ្ងៃទី៥ ខែមករា ឆ្នាំ២០២២។
នៅមិនទាន់ដឹងថាលោក សម រង្ស៊ី បានឆ្លងជំងឺនេះពីណាដែរនោះទេ។
លោកបានចាក់វ៉ាក់សាំង AstraZeneca ជាដូសមូលដ្ឋាន និង Pfizer ជាដូសជំរុញ៕